هكذا ردت طالبة على عميد كلية الاسنان بعدن بعدما رفض قبولها

بعثت طالبة بجامعة صنعاء رسالة مؤثرة الى عميد كلية طب الاسنان بجامعة عدن عقب رفضه لقبولها.

وجاء في الرسالة التي ارسلت الى عميد كلية الاسنان الدكتور محمد السقاف:

تذكير إلى #الدكتور_محمد_السقاف_عميد كلية_الاسنان_عدن

كانت تلك الايام بداية الحرب بين الحوثة والتحالف..

درسنا نصف ترم سنة اول وبعدين توقفنا بالبيت بسبب الأوضاع..

ثم اتفقنا على التوكل على الله واكمل الترم الثاني لسنة اول طبعا يعلم الله كم عانينا وكيف كنا نروح تحت الضرب والقصف عشان نكمل السنة على خير والحمد لله كملت اول.

طبعا بسبب الأوضاع لا كهربا لا ماء قررنا ان نسافر لعدن الى ان تهدأ الأوضاع وقررت عشان لا تروح عليا سنة اكملها بعدن.

دخلت اني وجدي على الدكتور محمد كان ذلك بنفس اليوم الذي تعين عميد على كلية الاسنان...

فتفاجئة انه قال لي عيدي سنة اول بالرغم من اني حصلت على امتياز فيها وقدمت له الوثائق والمواد المتبقية عادي باكملهم سنة ثانية بحكم ان عندهم بثانية ٤ مواد فقط.

بالرغم انه كانت الطالبات الذين يدرسوا بعدن الى ان يعودوا لصنعاء يتم استئناف الدراسة من حيث ما توقفوا ويتحملوا المواد لو في زيادة(بسبب الأوضاع) ... 

المهم اخبرته بالقصة كاملة،قال ياتعيدي يا اخذ اوراقك وارميهم من الطاقة وايش باتسوي

قلت ولا باسوي شيء بس مستحيل ادرس عندك وباكمل باجامعتي بصنعاء

وبايجي اليوم الي اذكرك فيه اني تخرجت من كلية الاسنان ومسكت بيد جدي وقلت له هم يعرفوا يحطموا بس اجاء على الشخص الغلط...

فكنت انت السبب الي خلاني اليوم الثاني مباشرة اقرر اسافر عشان اكمل بجامعة صنعاء بعد ماكمل الترم الاول لسنة ثانية..

وبسبب الأوضاع كلية الاسنان بصنعاء ما أخذت اي إجراءات للمعامل الي تم الغياب فيها والتأخير الي بذر مني .. لا بالعكس لقيت تعاون جدا من قبل الجميع عشان لا اوقف وتروح السنة واكمل الي بدات فيه..

والحمد لله تاريخ

10/10/2019

تم إعلان انني خريجه من جامعة صنعاء كلية الاسنان

ومع تكريم لي من قبل عميد كليتنا الدكتور /محسن الحمزي...

والنائب /فوائد المترب... 

يا دكتور محمد السقاف ان شاء الله اكون وفيت بوعدي #وذكرتك

ولو كنت بعدن كنت باجي للكلية بنفسي ومعي جدي كمان عشان اعيد نفس المشهد بس ذي المرة بموقف مختلف، بس يلا لابد لنا من ان نجتمع بمكان ما...

تحياتي د.مها حسن محمد السقاف